37 sjúklingar nú á Landspítala með Covid-19

Atli Ísleifsson skrifar 25. janúar 2022 10:19

Um níu þúsund manns eru nú í Covid-göngudeild Landspítalans. Vísir/Vilhelm

37 sjúklingar eru nú inniliggjandi á Landspítala með Covid-19. Þrír eru á gjörgæslu, allir í öndunarvél.

Þetta kemur fram á vef Landspítalans, en í gær var staðan sú að 38 sjúklingar voru inniliggjandi, þar af fjórir á gjörgæslu og allir þeirra í öndunarvél.

Greint var frá því í morgun að karlmaður á áttræðisaldri hafi látist á gjörgæsludeild Landspítalans í gær.

Meðalaldur innlagðra er nú 63 ár. Af þeim sem eru inniliggjandi eru tíu óbólusettir og 27 hafa verið bólusettir að minnsta kosti einu sinni.

9.334 sjúklingar eru í COVID göngudeild spítalans, þar af 3.366 börn.

Covid-sýktir starfsmenn Landspítala (í einangrun eða innlögn) eru 213, en voru 185 í gær.

Faraldur kórónuveiru (COVID-19) Landspítalinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.