Dagný byrjaði leikinn í fremstu víglínu ásamt Claudiu Walker, en það var Katerina Svitkova sem kom liðinu yfir stuttu fyrir hálfleik eftir stoðsendingu frá Lisu Evans.

Staðan vað því 1-0 þegar flautað var til hálfleiks, en Dagný kom heimakonum í 2-0 á 57. mínútu þegar hún fylgdi eftir skoti Lisu Evans.

Claudia Walker gulltryggði síðan sigur West Ham þegar hún skoraði þriðja mark liðsins tæpum fimm mínútum fyrir leikslok.

Þetta reyndist seinasta mark leiksins og lokatölur urðu því 3-0. West Ham situr nú í sjöunda sæti deildarinnar með 17 stig eftir 11 leiki, sex stigum meira en Everton sem situr í tíunda sæti.