Gento hóf ferilinn með Racing Santander en gekk í raðir Real Madrid 1953 og lék með liðinu í átján ár.

Á þeim tíma var Gento ótrúlega sigursæll. Hann varð meðal annars tólf sinnum spænskur meistari og vann Meistaradeild Evrópu sex sinnum. Hvoru tveggja er met.

Gento, sem var vinstri kantmaður, lék alls 606 leiki með Real Madrid og skoraði 178 mörk. Hann lék 43 leiki fyrir spænska landsliðið og skoraði fimm mörk.