Kvöldfréttir Stöðvar 2

Ómíkron er að verða ráðandi afbrigði kórónuveirunnar hér á landi en um sjötíu prósent af þeim sem greindust í gær voru með það. Einn hefur þurft að leggjast inn á sjúkrahús með ómíkron en svo virðist sem yngra fólk sé líklegra til að fá það en fyrri afbrigði. Farið verður nánar yfir málið í kvöldfréttum.

Við verðum einnig í beinni útsendingu frá miðbænum en veitingafólk hefur í dag sótt um undanþágur frá samkomubanni líkt og tónlistarmenn hafa fengið.

Þá heyrum við í fólki sem mótmælti meðferð breskra stjórnvalda á Julian Assange við breska sendiráðið í dag og hittum mann sem gengur tíu kílómetra innanhúss á dag.

Þetta og margt fleira á samtengdum rásum Bylgjunnar og Stöðvar 2 klukkan 18:30. Kvöldfréttirnar eru í lokaðri dagskrá en áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.