Faðir hug­rænnar at­ferlis­með­­ferðar er látinn

Rannsóknir hans og vinna eru talin hafa valdið straumhvörfum í greiningu og meðhöndlun á þunglyndi og geðsjúkdómum.

Beck þróaði hugræna atferlismeðferð sína (e. cognitive therapy) á sjöunda áratugnum. Gengur hún út á að fækka neikvæðum hugsunum sjúklings um sig sjálfa, heiminn eða framtíðina, útrýma þeim og koma þess í stað inn raunsæjum eða jákvæðum hugsunum. Lyf eru sömuleiðis oft notuð í meðferðunum.

Hugræn atferlismeðferð hefur sömuleiðis verið notuð til að vinna gegn felmtursköstum, félagsfælni, lotugræðgi og fleiri geðrænum kvillum.

Beck var höfundur eða meðhöfundur alls 25 bóka og birti um sex hundruð vísindagreinar á ferli sínum.