Vígahnötturinn birtist Gunnari Marel þegar hann var keyrði um Sandskeið í átt að Reykjavík.Twitter/Gunnar Marel
Fjölmargir borgarbúar urðu vitni að því í gærkvöldi þegar svokallaður vígahnöttur sást yfir höfuðborginni rétt fyrir klukkan níu.
Á meðal þeirra sem náðu að festa fyrirbærið á filmu var Gunnar Marel, sem var akandi á Sandskeiði í átt að Reykjavík.
Gunnar Marel sýnir myndband af atvikinu á Twitter og Sævar Helgi Bragason áhugamaður um stjörnufræði segir að um mjög fallegan vígahnött hafi verið að ræða.
Sævar segir að slíkir vígahnettir séu yfirleitt fremur smáir, á stærð við steinvölu eða ber. Þeir hreyfist hinsvegar svo hratt á leiðinni í gegnum andrúmslofitð að loftið glóir fyrir framan þá þegar þeir þjóta í átt til jarðar og brenna upp.
Sævar Helgi telur að þessi tiltekni vígahnöttur hafi brunnið upp til agna í nokkurra tuga kílómetra hæð yfir jörðu.
Lögregla í Svíþjóð og Noregi fékk fjölmargar tilkynningar um að loftsteinn hefði fallið til jarðar síðla kvölds síðasta laugardag. Loftsteinninn lýsti upp næturhimininn í skamma stund.
Vígahnötturinn sem sprakk yfir Suðurlandi föstudaginn 2. júlí var líklega um sjö metrar í þvermál. Getur það samsvarað litlu tveggja hæða húsi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
