Innlent

Víða skúrir í dag og él norðantil í kvöld

Hólmfríður Gísladóttir skrifar
Veðrið á hádegi í dag.
Veðrið á hádegi í dag. Veðurstofa Íslands

Veðurstofa spáir vestan 8 til 15 m/s en lægir í dag. Víða smá skúrum og hita á bilinu 3 til 9 stig. Éljum norðantil í kvöld og þá gengur í norðaustan 10 til 15 norðvestanlands, kólnandi veður.

Austan og norðaustan 8 til 15 á morgun en hægari á Norðaustur- og Austurlandi. Rigning eða slydda með köflum og hiti 1 til 5 stig en dálítil él og hiti í kringum frostmark Norðan- og Austanlands.

Hugleiðingar veðurfræðings frá því á miðnætti:

Minnkandi vestanátt í dag, smáskúrir og frekar milt á landinu, en norðaustlæg átt fyrir norðan í kvöld með éljum og kólnandi veðri.

Austan- og norðaustanátt á morgun, víða kaldi eða stinningskaldi en hægari vindur á Norðaustur- og Austurlandi. Stöku él og hiti kringum frostmark norðan- og austanlands, annars rigning eða slydda með köflum og hiti 1 til 5 stig.

Og á sunnudag er útlit fyrir að herði á vindi og bæti í úrkomu sunnan- og vestantil á landinu.

Veðurhorfur næstu daga:

Á laugardag:

Austan og norðaustan 8-15 m/s, en hægari NA-til. Rigning eða slydda með köflum og hiti 1 til 5 stig, en dálítil él og hiti kringum frostmark á N- og A-landi.

Á sunnudag:

Austan og norðaustan 10-18 með slyddu eða snjókomu, en rigningu SV-lands síðdegis. Talsvert hægari vindur og úrkomulítið um landið NA-vert, hiti breytist lítið.

Á mánudag:

Hvöss austanátt og rigning eða slydda. Hiti 1 til 8 stig, hlýjast syðst.

Á þriðjudag:

Stíf norðaustanátt. Úrkomulítið V-lands, annars rigning eða slydda en snjókoma á N-landi. Heldur kólnandi.

Á miðvikudag:

Norðaustanátt og él, en léttskýjað SV-til. Frost um mest allt land.

Á fimmtudag:

Norðvestlæg átt, úrkomulítið og áfram kalt í veðri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.