Vara við hörmulegum afleiðingum ef skuldaþakið brestur Kjartan Kjartansson skrifar 29. september 2021 15:44 Flokkadrættir í Bandaríkjunum hafa gert Bandaríkjaþing að miklu leyti óstarfhæft undanfarin ár. Nú gætu þeir leitt til þess að ríkissjóður lendi í greiðsluþroti og rekstur alríkisstofnana stöðvist. Vísir/Getty Fjármálaráðherra Bandaríkjanna varar við því að það hafi hörmulegar afleiðingar í för með sér samþykki Bandaríkjaþing ekki að hækka svonefnt skuldaþak ríkissjóðs. Enn liggur ekkert samkomulag fyrir um hækkun þaksins eða ný fjárlög sem eiga að taka gildi á föstudag. Yfir Bandaríkjaþingi hangir að afstýra tveimur meiriháttar áföllum á allra næstu dögum og vikum. Nýtt fjárlagaár hefst á föstudag en þingið hefur enn ekki samþykkt ný fjárlög. Takist það ekki þarf að loka hluta alríkisstofnana og hafa hundrað þúsundir starfsmanna þeirra launalausa á meðan fjárveitingar til þeirra liggja ekki fyrir. Þá er þrátefli á milli Demókrataflokksins og Repúblikanaflokksins um hækkun lögbundins þaks á skuldir ríkissjóðs svo að hann lendi ekki í fordæmalausu greiðsluþroti um miðjan október. Inn í þessi stóru mál blandast aðgerðir demókrata til að koma helstu stefnumálum Joes Biden forseta í gegnum þingið. Demókrataflokkurinn er þó klofinn um örlög tveggja frumvarpa sem fela í sér útgjöld upp á annars vegar eina billjón dollara og hins vegar þrjá og hálfa billjón. Repúblikanar vilja reyna að þvinga demókrata til að standa einir að því að hækka skuldaþakið og bera fyrir sig að þeir vilji ekki gefa Biden óútfyllta ávísun til þess að auka ríkisútgjöld. Hækkun skuldaþaksins er þó nauðsynleg til þess að ríkissjóður Bandaríkjanna geti staðið við núverandi skuldbindingar sínar sem ríkisstjórnir bæði repúblikana og demókrata stofnuðu til. Þingmenn repúblikana felldu frumvarp demókrata um tímabundna fjármögnun alríkisstofnana fram í desember og hækkun skuldaþaksins á mánudag. Chuck Schumer, leiðtogi demókrata í öldungadeildinni, segir að mögulega muni deildin greiða atkvæði um frumvarp sem myndi skera á hnútinn tímabundið hvað fjárlögin varðar. Áhættusamasta störukeppnin í áratug Janet Yellen, fjármálaráðherra og fyrrverandi seðlabankastjóri, sagði bankanefnd öldungadeildar Bandaríkjaþings, í gær að afleiðingar þess að þingið samþykkti ekki að hækka skuldaþakið yrðu „hörmulegar“. Núverandi úrræði ráðuneytis hennar til að greiða skuldir ríkissjóðs yrði á þrotum í kringum 18. október. Varaði hún við því að áhrif greiðsluþrots fyndust alls staðar í hagkerfinu. Bótagreiðslum til eldri borgara seinkaði, hermenn lifðu við óvissu um hvort þeir fengju greitt og vextir á kreditkortum, bifreiða- og fasteignalánum hækkuðu, að sögn New York Times. „Þetta yrði hörmung fyrir bandaríska hagkerfið, fyrir alþjóðlega fjármálamarkaði og fjárhagslegu öryggi milljóna fjölskyldna og vinnandi fólks væri stefnt í hættu með því að fresta greiðslum,“ sagði Yellen. Fjárfestingabankinn Goldman Sachs sagði fyrr í þessum mánuði að störukeppnin um skuldaþakið væri sú áhættusamasta í áratug. Repúblikanar og demókratar hafa ítrekað teflt á tæpasta vað með skuldaþakið og fjárlög undanfarin ár, allt frá því að repúblikanar reyndu fyrst að nýta skuldaþakið til þess að binda hendur Baracks Obama, þáverandi forseta. Róttækir og íhaldssamir demókratar í hár saman Á sama tíma er núningur á milli róttækari og íhaldssamari demókrata um örlög frumvarpanna sem eiga að hrinda stefnumálum Biden forseta í framkvæmd. Hann vill annars vegar verja allt að 3,5 billjónum dollara í að efla velferðarkerfið og loftslagsaðgerðir og hins vegar setja eina billjón dollara í innviðauppbyggingu sem báðir flokkar eru sammála um að þörf sé á. Öldungadeildin samþykkti innviðafrumvarpið þvert á flokkslínur en nú hóta róttækir fulltrúadeildarþingmenn Demókrataflokksins að greiða atkvæði gegn því eftir að Nancy Pelosi, forseti fulltrúadeildarinnar, gekk á bak orða sinna um að taka frumvörpin tvö fyrir saman. Íhaldssamari þingmenn demókrata vilja ekki samþykkja stóra útgjaldapakkann nema að hann verði skorinn verulega niður. Reuters-fréttastofan segir að fátt bendi til þess að stríðandi fylkingum takist að komast að samkomulagi um frumvörpin fyrir lok vikunnar. Bandaríkin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir yfirlýsingar um að FBI hafi mátt skjóta Trump stórhættulegar Erlent Augljóst að fylgið er enn á verulegri hreyfingu Innlent Ósátt með skýringar á andláti: „Dæmigert kveisubarn“ voru svörin Innlent Fjórir látnir eftir að bygging hrundi á Majorku Erlent Forsetavaktin 2024: Hver verður sjöundi forseti lýðveldisins? Innlent Halla T skýst upp í annað sæti en Katrín leiðir Innlent „Ef ekkert breytist þá erum við að fara á hausinn“ Innlent Segir samstöðu lykilinn að jarðgangagerð Færeyinga Erlent Ók af vettvangi banaslyss og hefur aldrei fundist Innlent Halla orðin vinsælasta plan B Innlent Fleiri fréttir Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Sjá meira
Yfir Bandaríkjaþingi hangir að afstýra tveimur meiriháttar áföllum á allra næstu dögum og vikum. Nýtt fjárlagaár hefst á föstudag en þingið hefur enn ekki samþykkt ný fjárlög. Takist það ekki þarf að loka hluta alríkisstofnana og hafa hundrað þúsundir starfsmanna þeirra launalausa á meðan fjárveitingar til þeirra liggja ekki fyrir. Þá er þrátefli á milli Demókrataflokksins og Repúblikanaflokksins um hækkun lögbundins þaks á skuldir ríkissjóðs svo að hann lendi ekki í fordæmalausu greiðsluþroti um miðjan október. Inn í þessi stóru mál blandast aðgerðir demókrata til að koma helstu stefnumálum Joes Biden forseta í gegnum þingið. Demókrataflokkurinn er þó klofinn um örlög tveggja frumvarpa sem fela í sér útgjöld upp á annars vegar eina billjón dollara og hins vegar þrjá og hálfa billjón. Repúblikanar vilja reyna að þvinga demókrata til að standa einir að því að hækka skuldaþakið og bera fyrir sig að þeir vilji ekki gefa Biden óútfyllta ávísun til þess að auka ríkisútgjöld. Hækkun skuldaþaksins er þó nauðsynleg til þess að ríkissjóður Bandaríkjanna geti staðið við núverandi skuldbindingar sínar sem ríkisstjórnir bæði repúblikana og demókrata stofnuðu til. Þingmenn repúblikana felldu frumvarp demókrata um tímabundna fjármögnun alríkisstofnana fram í desember og hækkun skuldaþaksins á mánudag. Chuck Schumer, leiðtogi demókrata í öldungadeildinni, segir að mögulega muni deildin greiða atkvæði um frumvarp sem myndi skera á hnútinn tímabundið hvað fjárlögin varðar. Áhættusamasta störukeppnin í áratug Janet Yellen, fjármálaráðherra og fyrrverandi seðlabankastjóri, sagði bankanefnd öldungadeildar Bandaríkjaþings, í gær að afleiðingar þess að þingið samþykkti ekki að hækka skuldaþakið yrðu „hörmulegar“. Núverandi úrræði ráðuneytis hennar til að greiða skuldir ríkissjóðs yrði á þrotum í kringum 18. október. Varaði hún við því að áhrif greiðsluþrots fyndust alls staðar í hagkerfinu. Bótagreiðslum til eldri borgara seinkaði, hermenn lifðu við óvissu um hvort þeir fengju greitt og vextir á kreditkortum, bifreiða- og fasteignalánum hækkuðu, að sögn New York Times. „Þetta yrði hörmung fyrir bandaríska hagkerfið, fyrir alþjóðlega fjármálamarkaði og fjárhagslegu öryggi milljóna fjölskyldna og vinnandi fólks væri stefnt í hættu með því að fresta greiðslum,“ sagði Yellen. Fjárfestingabankinn Goldman Sachs sagði fyrr í þessum mánuði að störukeppnin um skuldaþakið væri sú áhættusamasta í áratug. Repúblikanar og demókratar hafa ítrekað teflt á tæpasta vað með skuldaþakið og fjárlög undanfarin ár, allt frá því að repúblikanar reyndu fyrst að nýta skuldaþakið til þess að binda hendur Baracks Obama, þáverandi forseta. Róttækir og íhaldssamir demókratar í hár saman Á sama tíma er núningur á milli róttækari og íhaldssamari demókrata um örlög frumvarpanna sem eiga að hrinda stefnumálum Biden forseta í framkvæmd. Hann vill annars vegar verja allt að 3,5 billjónum dollara í að efla velferðarkerfið og loftslagsaðgerðir og hins vegar setja eina billjón dollara í innviðauppbyggingu sem báðir flokkar eru sammála um að þörf sé á. Öldungadeildin samþykkti innviðafrumvarpið þvert á flokkslínur en nú hóta róttækir fulltrúadeildarþingmenn Demókrataflokksins að greiða atkvæði gegn því eftir að Nancy Pelosi, forseti fulltrúadeildarinnar, gekk á bak orða sinna um að taka frumvörpin tvö fyrir saman. Íhaldssamari þingmenn demókrata vilja ekki samþykkja stóra útgjaldapakkann nema að hann verði skorinn verulega niður. Reuters-fréttastofan segir að fátt bendi til þess að stríðandi fylkingum takist að komast að samkomulagi um frumvörpin fyrir lok vikunnar.
Bandaríkin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir yfirlýsingar um að FBI hafi mátt skjóta Trump stórhættulegar Erlent Augljóst að fylgið er enn á verulegri hreyfingu Innlent Ósátt með skýringar á andláti: „Dæmigert kveisubarn“ voru svörin Innlent Fjórir látnir eftir að bygging hrundi á Majorku Erlent Forsetavaktin 2024: Hver verður sjöundi forseti lýðveldisins? Innlent Halla T skýst upp í annað sæti en Katrín leiðir Innlent „Ef ekkert breytist þá erum við að fara á hausinn“ Innlent Segir samstöðu lykilinn að jarðgangagerð Færeyinga Erlent Ók af vettvangi banaslyss og hefur aldrei fundist Innlent Halla orðin vinsælasta plan B Innlent Fleiri fréttir Segir yfirlýsingar um að FBI hafi mátt skjóta Trump stórhættulegar Segir samstöðu lykilinn að jarðgangagerð Færeyinga Fjórir látnir eftir að bygging hrundi á Majorku Munu þurfa að afplána í Kósovó Skoða að leyfa árásir í Rússlandi með bandarískum vopnum Segja fiskiolíu geta aukið líkurnar á gáttatifi og heilablóðfalli Kínverjar æfa innrás á Taívan Níu létust á framboðsfundi Fjölskyldur birta myndskeið af blóðugum gíslum Hamas-liða Annar umdeildur fáni hékk við annað hús dómara Höfða mál gegn hundrað lögregluþjónum vegna árásarinnar í Uvalde Boðar til kosninga í Bretlandi í sumar Saka Rússa um að skapa ótta á Eystrasalti Mikill eldur í höfuðstöðvum Novo Nordisk Lýsa hrikalegum aðstæðum í flugi Singapore Airlines: „Það var svo mikið öskrað“ Saka Ísraela um að misbeita lögum til þess að stöðva streymi frá Gasa Æðsti klerkurinn stýrði útför íranska forsetans Lætur líklega reyna aftur á þungunarrofsfrumvarpið Rússar sagðir hafa skotið geimvopni á sporbaug Ísraelar kalla sendiherrana heim frá Noregi, Írlandi og Spáni Búist við að Noregur viðurkenni Palestínu sem sjálfstætt ríki Sagðist opinn fyrir takmörkunum á getnaðarvarnir Hálfri milljón yrði gert að rýma kæmi til goss Kanna hvar Perry fékk ketamínið Æfa notkun „taktískra“ kjarnorkuvopna Íslendingur á meðal farþega í flugvélinni Þurfa ekki að rannsaka eiturtilræði við rússneskan andófsmann Vitnaleiðslum lokið án framburðar Trump Yfirvöld ábyrg fyrir dauða þúsunda einstaklinga sökum mengaðs blóðs Einn látinn eftir mikla ókyrrð í lofti Sjá meira