Nokkuð hefur verið um það að bílar hafi fests í snjókomu á sunnanverðum Vestfjörðum nú eftir hádegi en björgunarsveitir þar sinna nú nokkrum slikum útköllum. Óveðrið sem gengur yfir landið skall á af alvöru eftir hádegi, að sögn Davíðs Más Bjarnasonar, upplýsingafulltrúa Landsbjargar.
Þá hafa björgunarsveitir í Vestmannaeyjum farið í útköll vegna foktjóns en þar hafa lausamunir og þakklæðningar fokið í snörpum vindhviðum. Aðgerðastjórn hefur jafnframt verið virkjuð á höfuðborgarsvæðinu, þar sem reiknað er með að veðrið nái hámarki síðdegis.
Íþróttafélög á höfuðborgarsvæðinu, til að mynda Valur og Þróttur, hafa jafnramt fellt niður útiæfingar yngri flokka í dag vegna veðurs.
Appelsínugular veðurviðvaranir eru í gildi víðast hvar á landinu, nema á Norðurlandi og í Breiðafirði þar sem gular viðvaranir eru í gildi. Um er að ræða aðra haustlægðina sem gengur yfir landið. Búast má við miklum vindum og snörpum vindhviðum, einkum við fjöll og háhýsi og fólk varað við því að ferðast milli landshluta.
Appelsínugular viðvaranir eru í gildi fyrir stóran hluta landsins í dag og gul viðvörun á Breiðafirði og á Norðurlandi. Fólk er varað frá því að vera á ferðinni og þá ráðleggur Veðurstofa landsmönnum að ganga frá lausamunum. Á Suðurlandi má gera ráð fyrir talsverðri rigningu með tilheyrandi vatnavöxtum.
