Pelé laus af gjörgæslu

Æxlið sem um ræðir var fjarlægt fyrr í þessum mánuði, en Pelé var upphaflega útskrifaður af gjörgæslu síðasta miðvikudag. Hann var svo lagður inn aftur í stutta stund vegna „fyrirbyggjandi aðgerða vegna aldurs,“ eins og spítalinn orðaði það.

Þessi áttræði fyrrum knattspyrnumaður segir á Instagram síðu sinni að hann sé að jafna sig, og að hann sé á góðum stað í bataferlinu.

„Í dag fékk ég heimsóknir frá fjölskyldu minni og ég held áfram að brosa á hverjum degi,“ skrifaði Pelé. „Takk fyrir alla þá ást sem að ég fæ frá ykkur.“