Getnaðarvarnir verða gjaldfrjálsar fyrir franskar konur 25 ára og yngri

Þorgils Jónsson skrifar 9. september 2021 12:07

Getnaðarvarnir verða bráðum án endurgjalds fyrir franskar konur um að 25 ára aldri. Getty

Franskar konur upp að 25 ára aldri munu ekki þurfa að greiða fyrir getnaðarvarnir þar í landi frá og með áramótum. Olivier Veran heilbrigðisráðherra tilkynnti þetta fyrr í dag, en fram kemur í frétt Reuters að áður hafi mörkin fyrir gjaldfrjálsar getnaðarvarnir verið dregin við átján ára aldur.

Ráðherrann rökstuddi þessa ráðstöfun með því að samdrátt í getnaðarvarnanotkun ungra kvenna mætti rekja að mestu leyti til fjárhagslegra ástæðna.

„Það er ólíðandi að konur geti ekki varið sig – hafi ekki aðgang að getnaðarvörnum – af því að það sé of dýrt,“ sagði hann.

Ráðgerður kostnaðarauki stjórnvalda af þessum sökum er um 21 milljón evra á ári, en Macron forseti er um þessar mundir að keyra í gang baráttuna fyrir kosningar sem verða haldnar á næsta ári.

Frakkland Heilbrigðismál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.