Rúnar Már lagði upp fyrra mark Cluj fyrir framherjann Mike Cestor á 18. mínútu áður en hann innsiglaði sigur rúmenska liðsins með frábæru skoti úr aukaspyrnu sem söng í netinu.

Rúnar var að skora sitt annað mark í forkeppninni í sumar en hann skoraði einnig gegn bosníska liðinu Borac Banja Luka frá Bosníu í umferðinni á undan.

Cluj vann einvígið við Lincoln samanlagt 4-1 og mætir Young Boys frá Sviss í næstu umferð forkeppninnar.