Nýttu aukaskammta í Keflavík

Óttar Kolbeinsson Proppé skrifar 23. júní 2021 20:02

Nokkuð dræm mæting var hjá þeim sem áttu að mæta í bólusetningu í dag og var því fleiri hleypt að. vísir/vilhelm

Bólusetningum í Laugardalshöll er lokið í dag. Engir skammtar fóru þar til spillis.

Fyrr í dag var aðeins fólki með strikamerki hleypt að í bólusetningu en vegna dræmrar mætingar var ákveðið að opna bólusetninguna fyrir alla sem eiga eftir að fá bólusetningu.

Sjá einnig: Enn slatti af bóluefni eftir og opið inn í kvöldið.

Ragnheiður Ósk Erlendsdóttir, framkvæmdastjóri hjá heilsugæslu höfuðborgarsvæðisins, segir að hluti þeirra skammta sem hafi ekki farið út hafi verið fluttir til Keflavíkur fyrr í dag.

Heilbrigðisstofnun Suðurnesja hafði ætlað sér að hefja bólusetningar með seinni skammti bóluefnis Pfizer í fyrramálið en ákveðið var að flýta því ferli fyrir suma inn í kvöldið í kvöld svo ekki færu blandaðir skammtar til spillis.

Þeir endast nefnilega ekki lengi eftir að þeir hafa verið blandaðir.

Bólusetningar Faraldur kórónuveiru (COVID-19) Reykjavík Heilbrigðisstofnun Suðurnesja Reykjanesbær

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.