Það hefur verið margt um manninn í Laugardalshöll frá því bólusetning hófst í dag.Vísir/Egill
Ennþá er opið í bólusetningu gegn Covid-19 og segir Ragnheiður Ósk Erlendsdóttir, framkvæmdastjóri hjá heilsugæslu höfuðborgarsvæðisins, að enn séu um 500 skammtar eftir í Laugardalshöllinni. Líklega verði opið þar til klukkan 20:00 að minnsta kosti.
Opnað var fyrir bólusetningu fyrir alla fædda 2005 eða fyrr sem vilja, en fyrr í dag var aðeins fólki með strikamerki í bólusetningu hleypt að. Bólusett ef með bóluefni Pfizer.
Ragnheiður Ósk sagði við mbl.is í kvöld að skammtarnir sem er búið að blanda endist til klukkan 21:00 í kvöld en þá þurfi að farga þeim. Búist hefði verið við meiri eftirspurn og þegar röð þeirra sem höfðu ekki fengið sérstakt boð byrjaði að myndast um hádegi hafi verið ákveðið að blanda allt efnið sem var til.
Bólusetningum í Laugardalshöll í dag fer senn að ljúka og styttist í að þeir ríflega ellefu þúsund skammtar af bóluefni Pfizer sem til stóð að gefa í dag klárist.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
