Lífið

Þegar Sykurmolarnir lentu í skattinum

Stefán Árni Pálsson skrifar
Margrét Örnólfsdóttir starfar í dag sem handritshöfundur. 
Margrét Örnólfsdóttir starfar í dag sem handritshöfundur. 

Í síðasta þætti af Skítamix fór Halldór Halldórsson heim til Margrétar Örnólfsdóttur handritshöfundar og aðstoðaði hana við að hengja upp gardínu og að fjarlægja hurð sem hafði í raun engan tilgang.

Þættirnir Skítamix eru á dagskrá Stöðvar 2 á sunnudagskvöldum og í þeim fer Halldór Halldórsson, Dóri DNA, heim til þekktra Íslendinga sem þurfa að ráðast í framkvæmdir á heimilinu.

Verkefnin eru miserfið og var verkefnið heima hjá Margréti ekki mjög erfitt. Margrét var á sínum tíma í sveitinni Sykurmolarnir og byrjaði í henni árið 1988 strax eftir útskrift úr MH.

Í þættinum ræddi hún um skattrannsókn sem Sykurmolarnir lentu í á sínum tíma.

„Sykurmolarnir lentu líka í skattinum og það átti að taka okkur af lífi. Einhver sagðist hafa séð lista upp á korktöflu hjá skattrannsóknarmanni þar sem sjá mátti nafni Sykurmolana. Í tvö ár voru menn bankandi upp á hjá okkur og ætluðu að koma og sækja sjónvarpið,“ segir Margrét og heldur áfram.

„Þetta fór allt í eitthvert kæruferli. Nafn okkar var að lokum hreinsað en maður var svo ungur þarna, 22 ára eða eitthvað. Við fengum til dæmis ekki barnabætur á meðan þetta var. Það gat alveg munað um það, fólk hélt alltaf að við værum svo rík.“

Hér að neðan má sjá atriðið í heild sinni.

Klippa: Saga Margrétar þegar Sykurmolarnir lentu í skattinum



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.