Fótbolti

Sjáðu dauðafæri Werners, stangarskot Benzema og mörkin í Madrid

Sindri Sverrisson skrifar
Karim Benzema fagnar marki sínu í rigningunni í Madrid.
Karim Benzema fagnar marki sínu í rigningunni í Madrid. AP/Bernat Armangue

Það er allt í járnum í einvígi Real Madrid og Chelsea í undanúrslitum Meistaradeildar Evrópu í fótbolta eftir 1-1 jafnteflið sem liðin gerðu í Madrid í gær. Helstu atvikin úr leiknum má sjá hér á Vísi.

Þjóðverjinn Timo Werner fékk algjört dauðafæri til að koma Chelsea yfir snemma leiks en Thibaut Courtois náði að verja frá honum.

Á 14. mínútu náði hins vegar Christian Pulisic að skora. Antonio Rüdiger sendi langa sendingu yfir vörn Real á Pulisic sem tók sér góðan tíma áður en hann skoraði mikilvægt útivallarmark.

Karim Benzema var nálægt því að jafna metin þegar fallegt skot hans fór í stöngina og framhjá. Hann skoraði hins vegar skömmu síðar, á 29. mínútu, þegar hann sýndi viðbrögð kattarins með því að leggja boltann fyrir sig með höfðinu í teignum og þruma honum í netið.

Klippa: Helstu atriði úr leik Real Madrid og Chelsea

Liðin mætast að nýju í Lundúnum næsta miðvikudagskvöld.

Meistaradeild Evrópu

Tengdar fréttir

Fannst sínir menn eiga skilið að vinna

Thomas Tuchel, þjálfari Chelsea, var sáttur við frammistöðu sinna manna er liðið gerði 1-1 jafntefli við Real Madrid í fyrri undanúrslitaleik Meistaradeildar Evrópu í kvöld. Hann hefði þó viljað vinna leikinn.

Fannst Chelsea spila vel en hrósaði Benzema fyrir frá­bært mark

César Azpilicueta, fyrirliði Chelsea, fannst sínir menn eiga nokkuð fínan leik er liðið gerði 1-1 jafntefli við Real Madrid í fyrri leik liðanna í undanúrslitum Meistaradeildar Evrópu. Allt galopið fyrir síðari leikinn sem fram fer í Lundúnum í næstu viku.

Allt í járnum eftir leik kvöldsins í Madríd

Real Madrid og Chelsea gerðu 1-1 jafntefli í fyrri leik liðanna í undanúrslitum Meistaradeildar Evrópu. Chelsea því í góðum málum fyrir síðari leik liðanna í Lundúnum.

Mest lesið


Fleiri fréttir

Sjá meira


×

Mest lesið