Ljósmyndarinn Ari Magg er á meðal þeirra sem lögðu leið sína að eldgosinu um helgina. Þó að gosið í Geldingadal sé ekki stórt þá nást af því stórkostlegar myndir.
Hér fyrir neðan má sjá nokkrar myndir sem ljósmyndarinn birti á Instagram síðu sinni eftir að hann skoðaði gosið með góðum hópi fólks á sunnudag. Ari segir að þetta hafi verið „ógleymanleg“ upplifun en við leyfum myndum hans að tala sínu máli.
Ari Magg heldur úti Instagram síðu þar sem hann birtir brot af sínum bestu ljósmyndum.
Sjá nánar HÉR!
Mikill mannfjöldi var við eldgosið í Geldingadal við Fagradalsfjall þegar Vilhelm Gunnarsson fréttaljósmyndari Vísis leit þar við í gær.
Eldgosið í Geldingadal er sagt lítið í samanburði við fyrri eldgos á Íslandi. Engu að síður er um magnað sjónarspil að ræða þar sem náttúrunnar öfl eru að verki og sjón er sögu ríkari. Eldtungurnar frussast upp úr gígunum og logandi hraunið flæðir í stríðum straumum líkt og þeir sem lagt hafa leið sína á vettvang hafa glögglega orðið varir við.
Eldgosið í Geldingadal þykir ekki stórt en það þykir sjónrænt og jafnvel fallegt. Það hófst skömmu fyrir klukkan níu í gærkvöldi og síðan þá hefur dregið nokkuð úr virkni.
