Innlent

Bæna­stund fyrir John Snorra og fé­laga frestað vegna veðurs

Hallgerður Kolbrún E. Jónsdóttir skrifar
Ali Sadpara og John Snorri Sigurjónsson voru í hópi þeirra sem reyndu að klífa K2 að vetrarlagi, fyrstir manna.
Ali Sadpara og John Snorri Sigurjónsson voru í hópi þeirra sem reyndu að klífa K2 að vetrarlagi, fyrstir manna. Facebook

Bænastund fyrir John Snorra Sigurjónsson, Muhammad Ali Sadpara og Juan Pablo Mohr við Vífilsstaðavatn hefur verið frestað fram á þriðjudagskvöld vegna slæmrar veðurspár. Bænastundin átti að fara fram annað kvöld til þess að biðja fyrir félögunum.

Þetta kemur fram á Facebook-viðburðinum. Séra Jóna Hrönn Bolladóttir mun leiða bænastundina. Fram kemur á viðburðinum að þeir sem ekki eiga heimangengt og vilja minnast Johns Snorra, Alis og Juans, séu hvattir til þess að taka þátt með því að tendra ljós heima hjá sér, taka ljósmynd og deila henni á Facebooksíðu viðburðarins.

Síðast sást til fjallgöngumannanna 6. febrúar skammt frá toppi K2. Það var svo þann 18. febrúar síðastliðinn sem pakistönsk yfirvöld greindu frá því að fjallgöngumennirnir væru taldir af.

John Snorri á K2 Garðabær

Tengdar fréttir

Tendra ljós í minningu Johns Snorra við Vífils­staða­vatn

Fjölskylda, vinir og vandamenn fjallgöngumannsins Johns Snorra Sigurjónssonar munu koma saman við Vífilsstaðavatn á sunnudagskvöld til að biðja fyrir honum og samferðamönnum hans Muhammad Ali Sadpara og Juan Pablo Mohr.

Minntust Johns Snorra, Ali og Juan Pablo í Skar­du

Minningarathöfn fór fram í borginni Skardu í Pakistan þar sem íbúar minntust þeirra John Snorra Sigurjónssonar, Ali Sadpara og Juan Pablo Mohr, en þeirra hefur verið saknað frá 5. febrúar þegar þeir reyndu að klífa K2. Pakistönsk yfirvöld tilkynntu í gær að þeir væru formlega taldir af.

Mest lesið


Fleiri fréttir

Sjá meira


×

Mest lesið