Tendra ljós í minningu Johns Snorra við Vífilsstaðavatn

Margrét Helga Erlingsdóttir skrifar 26. febrúar 2021 06:43

Ali Sadpara og John Snorri Sigurjónsson létu lífið á K2 fyrr í mánuðinum ásamt Juan Pablo Mohr. Facebook

Fjölskylda, vinir og vandamenn fjallgöngumannsins Johns Snorra Sigurjónssonar munu koma saman við Vífilsstaðavatn á sunnudagskvöld til að biðja fyrir honum og samferðamönnum hans Muhammad Ali Sadpara og Juan Pablo Mohr.

Það var 18. febrúar síðastliðinn sem pakistönsk stjórnvöld greindu frá því að fjallgöngumennirnir væru taldir af. Síðast sást til þeirra 6. febrúar skammt frá toppi K2.

Séra Jóna Hrönn Bolladóttir mun leiða þessa ljósa- og bænastund. Í tilkynningu frá aðstandendum Jons Snorra segir að þeir sem ekki eiga heimangengt - og vilji minnast þeirra Johns Snorra, Alis og Juans - séu hvattir til að taka þátt með því að tendra ljós heima hjá sér, taka ljósmynd og deila henni á Facebooksíðu viðburðarins.

John Snorri á K2 Garðabær

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.