Erlent

Hundruðum skólastúlkna rænt í Nígeríu

Samúel Karl Ólason og Margrét Helga Erlingsdóttir skrifa
Skólar eru vinsæl skotmörk glæpagengja í Nígeríu.
Skólar eru vinsæl skotmörk glæpagengja í Nígeríu. Getty/Olukayode Jaiyeola

Vopnaðir menn hafa rænt nokkur hundruð skólastúlkum í norðvesturhluta Nígeríu. Það er önnur árás af þessu tagi en fyrir rétt rúmri viku síðan var fjölmörgum drengjum rænt úr heimavistarskóla á svæðinu.

Talsmaður ríkisstjórans í Zamfararíki greindi frá nýju árásinni í morgun en er ekki vitað nákvæmlega hve mörgum stúlkum var rænt. Fjölmiðlar erlendis segja talið að um minnst 300 stúlkur sé að ræða.

Mennirnir réðust á skóla stúlknanna í Jagebe og höfðu þær með sér á brott. Kennari við skólann segir að mennirnir hafi komið á pallbílum og mótorhjólum.

Í síðustu viku var 42 rænt í heimavistarskóla í norðurhluta landsins. 27 þeirra voru skóladrengir og eru allir enn í haldi.

Sjá einnig: Fjölda drengja rænt úr skóla í Nígeríu

Í Katsinaríki var 344 skóladrengjum rænt af vopnuðum mönnum í desember. Þeim var sleppt eftir sex daga og hafa fregnir borist af því að ríkisstjórn Nígeríu hafi greitt lausnargjald.

Í norðvesturhluta Nígeríu hefur nokkuð verið um að vopnuð glæpagengi ræni skólabörnum og haldi þeim í gíslingu og krefjist síðan lausnargjalds. Ríkisstjórn landsins hefur greitt lausnargjald í tengslum við sambærilegar árásir, samkvæmt heimildum Reuters fréttaveitunnar, og er það talið hafa spilað inn í fjölgun árása.

Opinberlega neita yfirvöld þó fyrir það að hafa greitt lausnargjald.

Nígería
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið