Erlent

Friðarviðræður í hættu og útlit fyrir umfangsmikla sókn Talibana

Samúel Karl Ólason skrifar
Afgtangskur hermaður stendur vörð í landinu. Hermenn og lögregluþjónar hafa verið undir gífurlegu álagi.
Afgtangskur hermaður stendur vörð í landinu. Hermenn og lögregluþjónar hafa verið undir gífurlegu álagi. EPA/JALIL REZAYEE

Ríkisstjórn Afganistan og öryggissveitir hennar eru undir miklu álagi vegna mikils fjölda árása Talibana í landinu. Vígamenn Talibana hafa komið sér fyrir nærri mörgum borgum landsins og hertekið mikilvægar umferðaræðir.

Óttast er að með vorsókn Talibana verði stór og að ef Joe Biden, forseti Bandaríkjanna, ákveði að kalla hermenn Bandaríkjanna heim frá Afganistan, falli ríkisstjórn landsins.

Donald Trump, fyrrverandi forseti, gerði samkomulag við Talibana um að kalla hermenn heim og í staðinn áttu Talibanar að fækka árásum sínum, sem þeir hafa ekki gert. Friðarviðræður á milli Talibana og ríkisstjórnar Afganistans hafa litlum árangri skilað og samkvæmt Reuters eru leiðtogar Talibana farnir frá Doha, þar sem viðræðurnar hafa farið fram.

Talibanar hafa krafist þess að um sjö þúsund vígamönnum verði sleppt úr fangelsi og að þeir fái aðild að ríkisstjórn landsins. Ashraf Ghani, forseti, hefur neitað því, samkvæmt umfjöllun New York Times.

Útlit er að flosnað hafi upp úr viðræðunum.

Meðlimir ríkisstjórnar Bidens skoða nú áætlanir Bandaríkjanna varðandi Afganistan og það hvort standa eigi við það að flytja alla hermenn landsins frá Afganistan fyrir 1. maí, eins og samkomulag Trumps og Talibana segir til um.

Herinn hefur hins vegar óskað eftir fleiri hermönnum og fleiri loftárásum. Búist er við tilkynningu frá Hvíta húsinu á næstu vikum.

Um 2.500 bandarískir hermenn eru í Afganistan.AP/Rahmat Gul

Þá segja Sameinuðu þjóðirnar að Talibanar hafi ekki slitið samskiptum sínum við al-Qaeda hryðjuverkasamtökin. Þvert á móti séu tengslin þar á milli enn náin.

Scott Miller, herforingi og yfirmaður herafla Bandaríkjanna og Atlantshafsbandalagsins í Afganistan, segir árásir Talibana í vetur hafa verið fleiri og umfangsmeiri en gengur og gerist og er óttast að vorsókn þeirra, sem vonast var til að friðarviðræðurnar myndu stöðva, verði stærri en áður.

„Ef það verður ekki dregið úr ofbeldinu, verður friðarferlið mjög, mjög erfitt,“ sagði Miller við Reuters.

Meðlimur sérsveita Talibana sagði fréttaveitunni að ef Bandaríkin hættu við að flytja hermenn sína frá landinu myndu Talbinar bregðast við með árásum sem hefðu ekki sést á undanförnum tuttugu árujm.

Ríkisstjórn Afganistans hefur skipað forsvarsmönnum öryggissveita landsins að undirbúa sig fyrir umfangsmikla og erfiða vorsókn Talibana. Þessar sveitir hafa þó átt undir högg að sækja og verið undir gífurlegu álagi.

Talibanar voru hrakktir frá völdum í innrás Bandaríkjanna árið 2001. Þá hafði ríkisstjórn Talibana stutt al-Qaeda í árásunum á Tvíburaturnanna í New York. Síðan þá hefur þeim þó vaxið ásmegin og stjórna þeir nú meira landsvæði en nokkurn tímann áður í kjölfar innrásarinnar.

Stríðið í Afganistan er það lengsta í sögu Bandaríkjanna.


Tengdar fréttir

Biden og Pútín ræddust við í síma: Ber ekki alveg saman um efnið

Joe Biden Bandaríkjaforseti hringdi í dag í Vladimir Pútín Rússlandsforseta. Talsmönnum forsetanna ber ekki fullkomlega saman um hvaða mál voru til umræðu en Washington Post segir Biden hafa tjáð Pútín að Bandaríkin myndu verja sig gegn „óvinveittum aðgerðum“ af hálfu Rússlands.

Afganir og Talibanar ná sínu fyrsta samkomulagi

Samningamenn Talibana og ríkisstjórnar Afganistan hafa komist að þeirra fyrsta samkomulagi. Samkomulagið snýr að grunni áframhaldandi viðræðna og þar af leiðandi því að binda mögulega enda á átökin í landinu en einungis er um fyrsta skrefið af mörgum að ræða.

Tíu hermenn til viðbótar reknir vegna stríðsglæpa í Afganistan

Forsvarsemnn herafla Ástralíu hafa rekið minnst tíu hermenn sem sagðir eru hafa orðið vitni að morðum á óvopnuðum föngum í Afganistan. Áður hefur verið lagt til að minnst 19 hermenn verði rannsakaðir og mögulega ákærðir fyrir stríðsglæpi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.