Innlent

Fiskur og slor dreifðist um veginn

Sunna Kristín Hilmarsdóttir skrifar
Lögreglan sinnti umferðaróhappi og hafði afskipti af ökumönnum í gærkvöldi og nótt.
Lögreglan sinnti umferðaróhappi og hafði afskipti af ökumönnum í gærkvöldi og nótt. Vísir/Vilhelm

Laust fyrir klukkan hálffjögur í nótt barst lögreglunni á höfuðborgarsvæðinu tilkynning um umferðaróhapp á Suðurlandsvegi við Lækjarbotna.

Þar hafði vörubíll með eftirvagn farið á hliðina. Ekki voru skráð nein slys á fólki að því er segir í dagbók lögreglu en farmur bílsins, fiskur og slor, dreifðist um veginn og utan vegar.

Óskað var eftir aðstoð krana til að koma vagninum aftur á hjólin og saltara frá Vegagerðinni vegna hálku sem hafði myndast. Þá var einnig haft samband við björgunarsveit til þess að reyna að bjarga verðmætum.

Á tíunda tímanum í gærkvöldi var bíll stöðvaður í Hafnarfirði. Ökumaðurinn er grunaður um akstur án réttinda og hafði engin skilríki meðferðis.

Maðurinn reyndist svo vera eftirlýstur í öðru máli og var hann því vistaður fyrir rannsókn máls í fangageymslu lögreglu.

Skömmu eftir klukkan tvö í nótt var bíll síðan stöðvaður á Kringlumýrarbraut eftir hraðamælingu. Mældist bíllinn á 141 km/klst en leyfilegur hámarkshraði er 80 km/klst.

Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið