Björgunarsveitir voru kallaðar út á öðrum tímanum í dag eftir að tilkynning barst frá göngufólki á Grímansfelli í Mosfellsdal vegna konu sem hafði dottið og slasast á fæti ofarlega í hlíðum fjallsins. Björgunarsveitarfólk úr sveitum í Mosfellsbæ og Reykjavík hefur verið sent á staðinn auk sjúkraflutningamanna frá Slökkviliði höfuðborgarsvæðisins.
Þetta kemur fram í tilkynningu frá Slysavarnarfélaginu Landsbjörg en ekki var hægt að styðja honuna niður og hún getur ekki gengið af sjálfsdáðum.
Björgunarsveitafólk er komið að rótum fellsins og var að leggja af stað upp hlíðina á hjólum með búnað og meiri mannskap um klukkan 14. Sjúkraflutningamenn eru á leiðinni upp fjallið á sexhjóli.
