Dóra Björt segir gífuryrði og uppspuna einkenna pólitíkina í borginni Jakob Bjarnar skrifar 1. febrúar 2021 11:24 Dóra Björt, Líf og Vigdís hafa tekist harkalega á í borgarstjórninni það sem af er kjörtímabils og sér ekki fyrir enda á því. vÍsir/vilhelm Dóra Björt Guðjónsdóttir borgarfulltrúi Pírata segir það hafa verið áfall að uppgötva hversu frjálslega „ákveðnir“ stjórmálamenn umgangast sannleikann. „Lygin hefur ferðast hálfan hnöttinn áður en sannleikurinn nær að reima á sig skóna,“ segir Dóra Björt í pistli á Facebook. Útgangspunktur pistils Dóru Bjartar er frétt af því að Bolli Kristinsson kaupmaður hafi beðist afsökunar á rangfærslum sem fram komu í umdeildum myndbandi sem í umræðunni hefur verið beintengt við riffilskot sem fundust í hurð bíls Dags B. Eggertssonar borgarstjóra. Frjálslega farið með sannleikann „Áður en ég kom inn í stjórnmálin gerði ég mér enga grein fyrir hve frjálslega er farið með sannleikann meðal margra þeirra sem best ættu að þekkja til. Ef ég ætti að leiðrétta allt það rugl sem ákveðnir flokkar fleyta af stað í umræðuna gerði ég ekkert annað,“ segir Dóra í pistli sínum. Ekki ætti nokkur maður að þurfa að velkjast í vafa um að flokkarnir sem Dóra vísar til eru þeir sem eru í minnihluta í borginni; Sjálfstæðisflokkur en þó kannski einkum Miðflokkurinn sem Vigdís Hauksdóttir fer fyrir. En Dóra hefur áður sagt að Vigdís umgangist sannleikann frjálslega. Afar grunnt hefur verið á því góða milli Vigdísar og fulltrúa meirihlutans í borginni: Samfylkingar, Viðreisnar, Pírata og Vinstri grænna. Vigdís er þulur í myndbandinu sem jafnan er nefnt í sömu andrá og skotin sem fundust í bíl borgarstjórans. Vert er að geta þess að enn hefur ekkert hefur komið fram sem tengir þetta tvennt. Líf Magneudóttir, borgarfulltrúi Vinstri grænna, telur þó að það hljóti að liggja í augum uppi. „Þetta myndband er svo mikill viðbjóður. Svo andstyggilegt, ómálefnalegt og siðlaust. Fyrir utan afleiðingarnar sem það gæti haft í för með sér þegar kjörinn fulltrúi hegðar sér með þessum óábyrga og ósvífna hætti; marklaust og siðspillt. Ég fordæmi þetta,“ sagði Líf á Twittersíðu sinni. Lygin eyðileggjandi sýking á lýðræðinu Dóra Björt segir jafnframt að reynsla hennar af sveitarstjórnarpólitíkinni hafi reynst sálrænt áfall. „Í raun hef ég farið í gegnum ákveðið sorgarferli við það að horfast í augu við þennan veruleika sem grefur undan lýðræðinu. Það er heilbrigt að takast á um staðreyndir mála og eiga í efnislegum rökræðum. Því miður hefur á þessu kjörtímabili mikið meira farið fyrir gagnrýni í formi gífuryrða og hreins uppspuna.“ Dóra segir að Bolli hafi reyndar bara viðurkennt að hluta ósannindi sem fram komi í áróðursmyndbandinu. Enn sé því haldið fram að Óðinstorg hafi kostað tífalda raunupphæð. Lygin hefur ferðast hálfan hnöttinn áður en sannleikurinn nær að reima á sig skóna. Áður en ég kom inn í stjórnmálin...Posted by Dóra Björt Guðjónsdóttir on Mánudagur, 1. febrúar 2021 „Liggur þó fyrir að þetta áróðursmyndband hefur náð til margra sem þessi leiðrétting mun aldrei komast í tæri við. Ég vona að þetta ýti undir aukna gagnrýna hugsun og meðvitund hjá þeim sem skilaboðin ná til. Ég vona að við getum búið til samfélag þar sem fjölmiðlar hafa bolmagn til að veita aðhald. Þar sem lygin fær ekki að grassera í formi alvarlegrar og eyðileggjandi sýkingar á lýðræðinu sjálfu,“ segir Dóra í lok pistils síns. Sjálf er Dóra Björt ekki óumdeild en hún stóð til að mynda nýverið í ströngu ekki fyrir fáeinum mánuðum þegar hún hafði í flimtingum á Twitter að vert væri að lykla bíla sem lagt væri uppi á gangstétt. Fleiri sem fantasera í leyni um að lykla bíla sem lagt hefur verið ólöglega uppi á gangstétt? Spyr fyrir vin.— Dóra Björt (@DoraBjort) November 17, 2020 Þannig að fyrir liggur að átökin í stjórnmálunum í borginni hafa verið afar róstursöm það sem af er kjörtímabils og sér ekki fyrir endann á því. Reykjavík Borgarstjórn Mest lesið Níu sviptir leyfi meðan á annað hundrað kvartana hafa borist Innlent Lést við tökur á Emily in Paris Erlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira
„Lygin hefur ferðast hálfan hnöttinn áður en sannleikurinn nær að reima á sig skóna,“ segir Dóra Björt í pistli á Facebook. Útgangspunktur pistils Dóru Bjartar er frétt af því að Bolli Kristinsson kaupmaður hafi beðist afsökunar á rangfærslum sem fram komu í umdeildum myndbandi sem í umræðunni hefur verið beintengt við riffilskot sem fundust í hurð bíls Dags B. Eggertssonar borgarstjóra. Frjálslega farið með sannleikann „Áður en ég kom inn í stjórnmálin gerði ég mér enga grein fyrir hve frjálslega er farið með sannleikann meðal margra þeirra sem best ættu að þekkja til. Ef ég ætti að leiðrétta allt það rugl sem ákveðnir flokkar fleyta af stað í umræðuna gerði ég ekkert annað,“ segir Dóra í pistli sínum. Ekki ætti nokkur maður að þurfa að velkjast í vafa um að flokkarnir sem Dóra vísar til eru þeir sem eru í minnihluta í borginni; Sjálfstæðisflokkur en þó kannski einkum Miðflokkurinn sem Vigdís Hauksdóttir fer fyrir. En Dóra hefur áður sagt að Vigdís umgangist sannleikann frjálslega. Afar grunnt hefur verið á því góða milli Vigdísar og fulltrúa meirihlutans í borginni: Samfylkingar, Viðreisnar, Pírata og Vinstri grænna. Vigdís er þulur í myndbandinu sem jafnan er nefnt í sömu andrá og skotin sem fundust í bíl borgarstjórans. Vert er að geta þess að enn hefur ekkert hefur komið fram sem tengir þetta tvennt. Líf Magneudóttir, borgarfulltrúi Vinstri grænna, telur þó að það hljóti að liggja í augum uppi. „Þetta myndband er svo mikill viðbjóður. Svo andstyggilegt, ómálefnalegt og siðlaust. Fyrir utan afleiðingarnar sem það gæti haft í för með sér þegar kjörinn fulltrúi hegðar sér með þessum óábyrga og ósvífna hætti; marklaust og siðspillt. Ég fordæmi þetta,“ sagði Líf á Twittersíðu sinni. Lygin eyðileggjandi sýking á lýðræðinu Dóra Björt segir jafnframt að reynsla hennar af sveitarstjórnarpólitíkinni hafi reynst sálrænt áfall. „Í raun hef ég farið í gegnum ákveðið sorgarferli við það að horfast í augu við þennan veruleika sem grefur undan lýðræðinu. Það er heilbrigt að takast á um staðreyndir mála og eiga í efnislegum rökræðum. Því miður hefur á þessu kjörtímabili mikið meira farið fyrir gagnrýni í formi gífuryrða og hreins uppspuna.“ Dóra segir að Bolli hafi reyndar bara viðurkennt að hluta ósannindi sem fram komi í áróðursmyndbandinu. Enn sé því haldið fram að Óðinstorg hafi kostað tífalda raunupphæð. Lygin hefur ferðast hálfan hnöttinn áður en sannleikurinn nær að reima á sig skóna. Áður en ég kom inn í stjórnmálin...Posted by Dóra Björt Guðjónsdóttir on Mánudagur, 1. febrúar 2021 „Liggur þó fyrir að þetta áróðursmyndband hefur náð til margra sem þessi leiðrétting mun aldrei komast í tæri við. Ég vona að þetta ýti undir aukna gagnrýna hugsun og meðvitund hjá þeim sem skilaboðin ná til. Ég vona að við getum búið til samfélag þar sem fjölmiðlar hafa bolmagn til að veita aðhald. Þar sem lygin fær ekki að grassera í formi alvarlegrar og eyðileggjandi sýkingar á lýðræðinu sjálfu,“ segir Dóra í lok pistils síns. Sjálf er Dóra Björt ekki óumdeild en hún stóð til að mynda nýverið í ströngu ekki fyrir fáeinum mánuðum þegar hún hafði í flimtingum á Twitter að vert væri að lykla bíla sem lagt væri uppi á gangstétt. Fleiri sem fantasera í leyni um að lykla bíla sem lagt hefur verið ólöglega uppi á gangstétt? Spyr fyrir vin.— Dóra Björt (@DoraBjort) November 17, 2020 Þannig að fyrir liggur að átökin í stjórnmálunum í borginni hafa verið afar róstursöm það sem af er kjörtímabils og sér ekki fyrir endann á því.
Reykjavík Borgarstjórn Mest lesið Níu sviptir leyfi meðan á annað hundrað kvartana hafa borist Innlent Lést við tökur á Emily in Paris Erlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira