Litli drengurinn látinn eftir slysið í Skötu­firði

Drengurinn var á öðru ári og hét Mikolaj Majewski. Móðir hans, Kamila Majewska, lést á laugardagskvöld.

RÚV greinir frá þessu og vísar í tilkynningu frá pólska sendiráðinu á Íslandi.

Mikolaj og fjölskylda voru búsett á Flateyri og voru að koma frá Póllandi skömmu áður en slysið varð á laugardag.

Vegfarendur komu að bíl fjölskyldunnar úti í sjó og náðu Kamilu og Mikolaj út úr bílnum. Klukkutíma eftir útkallið komu viðbragðsaðilar á vettvang. Björgunarbátar mættu frá Bolungarvík og Ísafirði og tvær þyrlur Landhelgisgæslunnar, sem fluttu fjölskylduna á sjúkrahús í Reykjavík.