Þjást af alvarlegum næringarskorti

Tvær kvennanna af þremur, sem haldið var föngnum í húsi Ariels Castros í Cleveland, bjuggu við aðstæður sem eru sambærilegar við það versta sem þekkist meðal stríðsfanga.

Þær þjást af alvarlegum næringarskorti og þurfa á læknismeðferð að halda vegna heyrnarskemmda, liðir eru úr lagi gengnir og vöðvar eru skaddaðir. Þetta kemur fram á Reuters. Í kjallaranum þar sem þær voru hafðar í haldi voru keðjur og hundaólar voru festar við loftið. Castro hlekkjaði konurnar og teipaði og hélt þeim í þvingaðri stellingu tímunum saman.

Svo virðist sem Gina DeJesus og Michelle Knight séu í verra ásigkomulagi en Amanda Berry, einhverra hluta vegna.