Endurlífgaður 40 mínútum eftir að hann var úrskurðaður látinn

Hinn 39 ára Colin Fielder frá Ástralíu var úrskurðaður látinn í heilar 40 mínútur þar til hann var endurlífgaður með nýjum endurlífgunaraðferðum á Alfred sjúkrahúsinu í Daendong, Ástralíu, í júní á seinasta ári. Spítalinn hefur haft ný hjartahnoðunartæki og öndunartæki til prófunar, en Fielder er þriðji sjúklingurinn sem hefur tekist að endurlífga eftir að hafa verið látinn í 40 til 60 mínútúr, án neinna varanlegra skemmda á líffærum.

Á leiðinni á sjúkrahúsið, áður en Fielder „lést," var honum gefinn kostur á að velja á milli tveggja spítala. Fyrir tilviljun sagði hann við sjúkraflutningamennina að hann vildi fara á Alfred sjúkrahúsið, sem er eina sjúkrahúsið sem hefur nýju tækin til umráða. Fielder hefur í kjölfar hjartaáfallsins ákveðið að hætta að reykja.

Nýju tækin gera læknum kleift að greina orsök hjartastoppsins og bregðast við og viðhalda blóð- og súrefnisflæði til mikilvægra líffæra og heila, sem dregur úr hættunni á varanlegum skaða.

Til stendur að taka tækin í notkun á fleiri sjúkrahúsum í Ástralíu.

Nánar er fjallað um málið á síðu News.com.au.