Dr. Kermit kemst hjá dauðarefsingu

Læknir í fóstureyðingum, sem sakfelldur var í Philadelphiu fyrir að deyða þrjú börn sem fæddust á lífi á læknastofu hans, tókst að forðast hugsanlega dauðarefsingu í gær með því að semja sérstaklega við saksóknara.

Dr. Kermit Gosnell vísaði til réttar síns til að sæta lífstíðarfangelsi án möguleika á reynslulausn. Gosnell, sem er 72 ára gamall, var dæmdur á mánudag en mál hans hefur vakið mikla athygli í Bandaríkjunum og tengist heitri umræðu um fóstureyðingar þar í landi. Vegna aldurs læknisins hafa menn reyndar talið ólíklegt að dauðarefsing hefði komið til vegna áfrýjunarferlis sem tekur langan tíma.