Slapp frá mannræningja eftir tíu ár

25 ára kona fannst í Kaliforníu eftir að lýst hafði verið eftir henni í tíu ár. BBC greinir frá.

Konan hvarf  af heimili sínu þegar hún var 15 ára en er nú komin í leitirnar.

Isidro Garcia, 41, árs karlamaður hefur verið handtekinn í tengslum við málið og er hann sagður hafa haldið konunni í gíslingu í tíu ár. Garcia bjó á heimili konunnar árið 2004 þegar hann var í sambandi við móður hennar.

Garcia rændi konunni af heimilinu og mun hafa nauðgað henni ítrekað á þeim tíma sem hann hafði hana í haldi.

Í yfirlýsingu frá lögreglunni í Santa Ana kemur fram að maðurinn hafi til að byrja með haldið konunni inni í bílskúr í húsnæði sínu. Því næst logið því að henni fjölskyldan hefði gefist upp á leitinni. 

Hann bannaði henni að hafa samband við fjölskyldu sína og ef hún færi þá leið hótaði Garcia að hann myndi láta flytja þau öll úr landi. 

Konan hafði samband við lögregluna þegar hún sá systur sína á samskiptamiðlinum Facebook og í framhaldinu var Garcia handtekinn.

Maðurinn hefur verið ákærður fyrir mannrán og nauðgun.