Lífið

Þarmaflóran er frægari en Beyoncé

Ragga Nagli skrifar
Ragga Nagli skrifar pistla um heilsu á Vísi. Hún er þjálfari og sálfræðingur. Konan á myndinni er ekki Ragga Nagli.
Ragga Nagli skrifar pistla um heilsu á Vísi. Hún er þjálfari og sálfræðingur. Konan á myndinni er ekki Ragga Nagli. Getty/Kevin Winter

Þarmaflóran hefur átt sitt stjörnumóment undanfarin ár enda hafa vísindamenn sjaldan kastað jafn mikilli vinnu og aurum í að skoða þetta sex metra langa líffæri sem hvílir fyrir miðjum skrokki.

„Allt byrjar í þörmunum“ sagði Aristóteles

Og það er ekki ofsögum sagt.

Trilljónir af bakteríum eru eins og galeiðuþrælar í þörmunum að melta og frásoga orku, andoxunarefni, vítamín og steinefni úr matnum sem við gúllum í ginið. Og þeirra verki er ekki lokið þar, því eins og skúringakellingar eftir rokktónleika skúra þær út óþarfa og ósóma og styðja þannig við heilbrigt ónæmiskerfi og halda pípulögninni reglulegri.

Til dæmis boðefnin GABA, serótónín, dópamín er framleitt að stórum hluta í þarmaflórunni, og ef hún er ekki í stuði með guði getur orsakað litla sem enga framleiðslu þessum boðefnum. Þá upplifum við kvíða, þunglyndi, depurð og vanlíðan.

Til að toppstykkið sé í lagi þarf að vera partý í flórunni því taugaboðefni og hormón krúsa þjóðveginn sem liggur frá þörmum upp í heila.

Ef partýið hefur hinsvegar breyst í unglingadrykkju með gubbandi ungviði, áfengisdauðum fótboltadrengjum og Chesterfield sófasettið komið út á stétt þá verður lítið vinnuframlag til að græja boðefnin upp í heila.

Heilbrigð þarmaflóra er því undirstaða heilsunnar.

Einkenni eins og:

  • Síþreyta
  • Harðlífi eða niðurgangur
  • Kvíði og depurð
  • Lélegar hægðir
  • Útbrot á húð
  • Hármissir
  • Bakflæði
  • Magaverkir
  • Uppþemba
  • Vindgangur

Ragnhildur Þórðardóttir, betur þekkt sem Ragga Nagli.Vísir/Vilhelm

Þetta geta verið vísbendingar um að þarmarnir mígleki eins og kúlutjald á Þjóðhátíð og líkaminn sé því ekki að taka upp og nýta næringarefnin.

Það er ýmislegt til ráða við hriplekum þörmum

  • Auka neyslu á trefjaríkri fæðu.
  • Gúlla eplaedik á fastandi maga nokkrum sinnum á dag.
  • Minnka neyslu á súkralósa og nota stevia í staðinn.
  • Meltingarensími hjálpa líkamanum að brjóta niður glútein og mjólkursykur.
  • L-glutamine amínósýran býr til verndandi filmu innan á þörmunum.
  • Sýrt grænmeti og sýrðar mjólkurvörur innihalda bílfarma af örverum sem hjálpa góðu bakteríunum að sinna sínu starfi.
  • Góðgerlar dúndra inn örverum sem stuðla að betri þarmaflóru.

Prófaðu eitt eða fleiri skref í tvær til þrjár vikur til að sjá hvernig líkaminn bregst við.


Tengdar fréttir

Hundrað ára og eiturhress?

Ragga Nagli segir að leyndarmálið að langlífi og lífsgæðum sé blátt á litinn.

Coviskubit

Þú opnar Facebook. Kórónustatusar blasa við þér.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.