Bænahátíð búddista í Salt Lake City í gær

Búddamunkar í Salt Lake City í Bandaríkjunum héldu bænahátíð sína í gærkvöldi.

Gengu þeir í skrúðgöngu um vesturborgina og báru með sér stórt búddalíkneski sem einn munkanna hélt regnhlíf yfir en lítils háttar úrkoma var í borginni. Göngunni lauk við hof búddareglunnar en þar lögðu munkarnir hvítt klæði yfir altari sem tákn um gjafmildi. Því næst settust þeir á púða og hófu bænir sínar sem felast í því að kyrja ævaforna tíbetska helgitexta. Bænahaldinu lauk svo með blessun og máltíð.