Gengið gegn ofbeldi í New Orleans

Íbúar New Orleans munu í dag ganga gegn ofbeldi í borginni, sem hefur farið stigvaxandi alveg frá því felllibylurinn Katrín skildi borgina eftir í rúst fyrir tæplega einu og hálfu ári. Ofbeldið heimtir að jafnaði um eitt líf á dag: níu eru látnir það sem af er ári.

Gangan er skipulögð af hljómsveitinni the Hot 8 Brass Band, sem missti trommarann sinn fyrir byssukúlu á milli jóla og nýárs. Sá var skotinn til bana fyrir framan fjölskylduna sína.

Borgaryfirvöld og lögregla kynntu nýja áætlun á þriðjudaginn sem felur í sér aukna löggæslu og reglubundið eftirlit þar sem allir vegfarendur eru stöðvaðir. 12 hafa þegar verið handteknir við slíkt eftirlit síðan á þriðjudag: sex þeirra fyrir fíkniefnabrot og annar sem var eftirlýstur af lögreglu.