Enn einn sigurinn hjá Sverri Inga og liðsfélögum hans í PAOK

Sverrir Ingi Ingason var á sínum stað í hjarta varnar PAOK í grísku úrvalsdeildinni er liðið vann 1-0 útisigur í kvöld.

Sverrir Ingi hefur spilað frábærlega á þessari leiktíð og hélt því áfram í kvöld. Eitt mark skyldi PAOK og Lemia að í kvöld en Leo Matos skoraði eina mark leiksins á 33. mínútu. Staðan þar af leiðandi 1-0 í hálfleik sem og í leikslok.

PAOK er sem fyrr stigi á eftir Olympiacos sem situr á toppi deildarinnar. PAOK með 49 stig en Olympiacos 50 stig.

Þá hefur PAOK aðeins fengið á sig 18 mörk í þeim 20 umferðum sem eru búnar en Olympiacos skákar þeim enn á ný við þar. Síðarnefnda liðið aðeins fengið á sig átta mörk til þessa.