Aron Einar kom Al Arabi í 1-3 á 55. mínútu. Hann vann þá boltann á vallarhelmingi Al Arabi, rakti boltann að miðjuhringnum og lét svo vaða. Shebab Ellethy, markvörður Al Kharitiyath, var mjög framarlega og boltinn fór í fallegum boga yfir hann og í netið.
Mark Arons Einars má sjá hér fyrir neðan.
: # 3 - 1 # # _ _QNB pic.twitter.com/MBRa1gEcJt
— (@alkasschannel) December 23, 2020
Með þessu glæsilega marki gulltryggði Aron Einar Al Arabi sinn fyrsta sigur síðan liðið vann Al Kharitiyath 9. nóvember. Al Arabi er í 9. sæti katörsku deildarinnar með níu stig.
Auk Arons Einars voru Ibrahim Nasser Kala og Mehrdad Mohammadi á skotskónum fyrir Al Arabi í dag.
Heimir Hallgrímsson er þjálfari Al Arabi og honum til aðstoðar eru Freyr Alexandersson og Bjarki Már Ólafsson.
