Alfreð náði í þrjú stig gegn Dortmund og Berglind byrjuð að skora í Frakklandi

Anton Ingi Leifsson skrifar 26. september 2020 15:25

Berglind Björg Þorvaldsdóttir í leiknum í dag. Hún hefur opnað markareikning sinn í Frakklandi. mynd/le havre/twitter

Alfreð Finnbogason spilaði í tæpan hálftíma er Augsburg vann 2-0 sigur á Dortmund í þýsku úrvalsdeildinni í dag.

Felix Uduokhai kom Augsburg yfir á 40. mínútu og á 54. mínútu tvöfaldaði Daniel Caligiuri forystuna.

Alfreð byrjaði á bekknum en var skipt inn á þegar 62 mínútur voru komnar á klukkuna.

Augsburg hefur unnið tvo fyrstu leikina í deildinni en Dortmund er með þrjú stig eftir tvo leiki.

Berglind Björg Þorvalsdóttir skoraði mark Le Havre er liðið gerði 1-1 jafntefli við Paris FC.

Berglind kom Le Havre yfir á 87. mínútu en tveimur mínútum síðar jöfnuðu heimastúlkur metin og þar við sat.

Berglind spilaði allan leikinn fyrir liðið sem og Anna Björk Kristjánsdóttir.

Le Havre er með fjögur stig eftir þrjár umferðir.

Þýski boltinn Franski boltinn

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.