Erlent

54 þúsund föngum sleppt í Íran til að hefta út­breiðslu kórónu­veirunnar

Sunna Kristín Hilmarsdóttir skrifar
Þúsundir hafa greinst með veiruan í Íran og tugir hafa látið lífið.
Þúsundir hafa greinst með veiruan í Íran og tugir hafa látið lífið. vísir/getty

Yfirvöld í Íran hafa tímabundið sleppt 54 þúsund föngum til þess að reyna að hefta útbreiðslu kórónuveirunnar sem veldur sjúkdómnum COVID-19 í fangelsum landsins sem eru yfir full.

Að því er fram kemur á vef BBC tilkynntu yfirvöld um þetta í dag en föngunum var veitt leyfi til að fara heim eftir að þeir höfðu farið í greiningu vegna veirunnar og ekki greinst með hana. Þá þurftu þeir einnig að leggja fram tryggingu.

Svokölluðum öryggisföngum sem dæmdir hafa verið í meira en fimm ára fangelsi verður ekki sleppt.

Íran er eitt af þeim löndum sem skilgreind eru sem svæði með mikla smitáhættu en hin löndin eru Kína, Suður-Kórea og Ítalía.

Alls hafa 2336 manns greinst með veiruna í Íran og 77 látist vegna hennar en að því er segir í frétt BBC að mun fleiri séu smitaðir en opinbera talan segir til um.

Á meðal þeirra sem hafa smitast eru 23 þingmenn á íranska þinginu.


Tengdar fréttir

Kínverjar komnir í gegnum það versta

Heilbrigðisráðuneyti Kína tilkynnti í nótt að einungis 125 ný smit nýju kórónuveirunnar hafi verið staðfest þar í landi á einum sólarhring. Sú tala hefur ekki verið svo lág síðan þann 20. janúar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.