Ísstíflur í Hvítá virðast hafa losnað að einhverju leyti
Vísbendingar eru um að ísstíflur í Hvítá á Suðurlandi hafi losnað að einhverju leyti. Frá þessu er greint í athugasemd sérfræðings á vef Veðurstofu Íslands.
Þar kemur fram að vatnshæð við Brúnastaði hafi farið lækkandi frá því á miðnætti sem bendi til þess að áin eigi greiðari leið niður árfarveginn.
Eftir vatnavexti vegna úrkomu og leysinga um helgina fari nú vatnshæð í flestum ám lækkandi.
Hér fyrir neðan má sjá færslu frá lögreglunni á Suðurlandi um stöðuna eins og hún var í gærkvöldi.
Tengdar fréttir
Vísbendingar um að hreyfst hafi við klakastíflunni í Hvítá
Vísbendingar er um að eitthvað hafi hreyfst við klakastíflu í Hvítá við Brúnastaði. Skoðun lögreglu hefur leitt í ljós að vatnsborð hefur lækkað töluvert við sumarbústaði á svæðinu.
Lögreglan fylgist grannt með klakastíflu í Hvítá
Lögreglan á Suðurlandi fylgist grannt með klakastíflu, sem myndaðist í Hvítá í vikunni.
