Erlent

Köstuðu bensínsprengjum að lögregluþjónum

Andri Eysteinsson skrifar
Ráðist var að norður-írskum lögreglumönnum í Belfast. Myndin er úr safni.
Ráðist var að norður-írskum lögreglumönnum í Belfast. Myndin er úr safni. Getty

Á þriðja tug norður-írskra lögreglumanna slösuðust eftir að hópar ungmenna köstuðu bensínsprengjum að þeim.

Lögreglan í Belfast hafði verið kölluð til að fjarlægja efni sem safnað hafði verið saman til að halda brennu án leyfis. Þegar komið var á staðinn köstuðu „stór hópur ungmenna“ bensínsprengjum, múrsteinum og fleiri hlutum í átt að lögreglumönnunum.

„Á þessu stigi málsins getum við staðfest að minnsta kosti 26 lögreglumenn særðust. Farið verður yfir myndefni frá vettvangi með það að markmiði að bera kennsl á alla þá sem eiga hlut að máli,“ sagði Melanie Jones lögreglustjóri við Sky News.

Svipað atvik átti sér stað við samskonar aðstæður en þá urðu engin slys á lögreglumönnum. Víða um Norður-Írland verða haldnar brennur í mánuðinum til að minnast fimmtíu ára afmælis handtaka 342 írskra repúblikana í Demetrius-aðgerðinni 9.-10. ágúst 1971.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.