Fluttur á slysadeild eftir vinnuslys í Hafnarfirði

Kristín Ólafsdóttir skrifar 2. júlí 2020 17:51

Stálplötur lentu ofan á fæti hins slasaða. Vísir/Vilhelm

Einn var fluttur á slysadeild með sjúkrabíl eftir vinnuslys í Hafnarfirði á öðrum tímanum í dag. Sá sem slasaðist fékk stálplötur ofan á annan fótinn á sér, að því er segir í dagbók lögreglu. Ekki er frekar greint frá líðan hins slasaða.

Þá var skjólveggur ekinn niður við heimahús í Hafnarfirði skömmu fyrir klukkan eitt. Á þriðja tímanum varð óhapp á rafmagnshlaupahjóli í Hlíðunum í Reykjavík en ekki þurfti að flytja neinn á slysadeild.

Tilkynnt var um innbrot í bifreið í miðbænum, annað innbrot í heimahúsi í vesturbæ og um þrjúleytið var tilkynnt um þjófnað í verslun í Smáralind.

Hafnarfjörður Sjúkraflutningar Vinnuslys

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.