Áhorfendur spila með í Svara Bara

Skemmti- og fjölskylduþátturinn Svara Bara verður í beinni útsendingu næsta laugardagskvöld, 11. apríl á Vísir.is og á Stöð 2 Vísi kl.21:00.

 Þáttastjórnendur eru skemmtikraftarnir Hörður Bjarkason og Pétur Finnbogason.

Dagskrá þáttarins er með fjölbreyttu sniði en áhorfendum gefst kostur á að hringja inn og taka þátt heima í stofu. Spurningar þáttarins verða heldur frumlegar þar sem áhorfendum verður gert erfitt fyrir við að ,,gúggla” svör spurninganna.

Það verður lifandi tónlist ásamt líflegum uppákomum þeirra félaga en markmið þáttarins er að sameina fólk heima í sófa og tryggja eftirminnilegt laugardagskvöld.