Innlent

Flóð­bylgja skall á varnar­garðinn á Suður­eyri eftir snjó­flóð

Atli Ísleifsson skrifar
Flóðið virðist hafa verið stórt.
Flóðið virðist hafa verið stórt. Sigmundur Heiðar

Snjóflóð féll í Norðureyrargili í norðanverðum Súgandafirði í morgun.

Sigmundur Heiðar Árnason, íbúi á Suðureyri, segir að flóðið hafi fallið um 10:15 og að lítil flóðbylgja hafi skollið á varnargarðinn í bænum. 

„Það skvettist aðeins upp á hann, en ég held að það hafi nú ekki orðið neitt eignartjón. Flóðið virðist hins vegar hafa verið stórt,“ segir Sigmundur Heiðar.

Hann segir að veturinn fyrir vestan hafi verið mjög snjóasamur og mikill snjór safnast fyrir.

Ekki hefur tekist að ná sambandi við ofanflóðavakt Veðurstofunnar vegna málsins, en óvissustig vegna snjóflóðahættu er í gildi á norðanverðum Vestfjörðum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×