Um 20% fleiri slösuðust alvarlega í umferðarslysum

Þeim sem slösuðust alvarlega í umferðarslysum á fyrstu níu mánuðum ársins fjölgaði um 20% miðað við sama tímabil í fyrra. Alvarlega slasaðir eru þó á þessu tímabili ársins 2010 tæplega 4% færri en árið 2008, samkvæmt tölum Umferðarstofu.

Alls hafa 156 manns slasast alvarlega á fyrstu níu mánuðum ársins. Þeir voru 130 á sama tímabili í fyrra en 162 árið á undan.

Fimm létust í umferðinni á fyrstu níu mánuðum þessa árs. Þeir voru ellefu á sama tímabili í fyrra og 10 á sama tímabili ársins 2008.