Bill de Blasio nýr borgarstjóri New York

Bill de Blasio sór í gær embættiseið sem borgarstjóri New York. Hann tekur við embættinu af Michael Bloomberg. New York Times segir frá.

Blasio er númer 109 í röð borgarstjóra New York borgar. Hann er fyrsti demókratinn til þess að stjórna borginni tvo áratugi.

Blasio er 52 ára, hann er fæddur í New York árið 1961. Meðal þess sem hann hefur lofað er að hækka skatta á þá ríkustu.

„Við þurfum að taka á efnahagslegu og félagslegu misrétti sem hefur ríkt í borginni sem við elskum,“ sagði hann við athöfnina í gær.