Átta palestínsk börn létust í árekstri

Að minnsta kosti átta palestínsk börn og kennari þeirra létust í morgun þegar rúta sem þau voru farþegar í rakst á Ísraelskan flutningabíl. Börnin voru á leið til Ramallah þegar slysið varð. Rútan fór veltu og braust út eldur um leið.

Rúmlega þrjátíu börn slösuðust og óttast er að tala látinna eigi eftir að hækka. Forseti Palestínu, Mahmoud Abbas hefur þegar lýst yfir þriggja daga þjóðarsorg og Benjamín Netanyahu forsætisráðherra Ísraels hefur sent Palestínumönnum samúðarkveðjur og boðið fram aðstoð sína.