Fótbolti

Bestu fótboltakonu heims verður ekki haggað: Spilar ekki með Noregi á HM

Óskar Ófeigur Jónsson skrifar
Ada Hegerberg í einum af síðustu landsleikjum sínum sumarið 2017.
Ada Hegerberg í einum af síðustu landsleikjum sínum sumarið 2017. Getty/ Dean Mouhtaropoulos
Norðmenn eiga bestu fótboltakonu heims en þurfa að mæta án hennar á heimsmeistaramótið í Frakklandi í sumar.

Ada Hegerberg fékk gullknöttinn í lok síðasta árs sem besta knattspyrnukona heims eftir frábæra frammistöðu sína með Evrópumeisturm Lyon. Hún spilaði aftur á móti engan landsleik á árinu 2018.

Lise Klaveness, nýr yfirmaður knattspyrnumála hjá norska knattspyrnusambandinu, hitti Ödu Hegerberg á dögunum og reyndi að sannfæra hana um að gefa aftur kost á sér í norska landsliðið.





Ada Hegerberg var ekki haggað og nú er endanlega ljóst að hún mun ekki spila með norska landsliðinu á HM í sumar. HM fer fram í Frakklandi og nokkrir leikir verða einmitt spilaðir í Lyon þar sem Ada Hegerberg hefur búið frá árinu 2014.

Hegerberg hætti að gefa kost á sér í norska landsliðið eftir EM 2017 sem gekk ekki vel hjá norska landsliðinu. Hún gagnrýndi starfshætti hjá norska sambandinu bæði hvað varðar stjórnun og undirbúning hjá norska landsliðinu.

Hegerberg hefur tjáð sig opinberlega um fjarveru sínu norska landsliðið og þar hefur hún sagt að hún sé mjög leið yfir því að missa af leikjum liðsins en að hún trúi því enn að þetta hafi verið rétt ákvörðun hjá sér.





„Ada er ennþá ung og á bjarta framtíð í boltanum. Ég vona og trúi því að hún vilji á einhverjum tímapunkti snúa aftur í landsliðið. Ég sjálf hef reynslu af því að segjast vera hætt í landsliðinu en koma svo aftur og spila nokkur góð ár með fánann á búningnum,“ sagði Lise Klaveness við Verdens Gang.

Ada Hegerberg er enn bara 23 ára gömul en hefur engu að síður skorað 38 mörk í 66 landsleikjum sem allir fóru fram á árunum 2011 til 2017.

Hegerberg hefur verið enn betri með Olympique Lyonnais enda með 175 mörk í 143 leikjum í öllum keppnum. Hegerberg hefur unnið frönsku deildin fjórum sinnum, Meistaradeildina þrjú ár í röð og franska bikarinn þrisvar sinnum á fjórum tímabilum sínum með franska félaginu.

Norðmenn . Liðið er í riðli með Frakklandi, Suður-Kóreu og Nígeríu. Leikir liðsins í riðlinum fara fram í Reims (Nígería og Suður-Kórea) og Nice (Frakkland).







Ada Hegerberg fagnar með liðsfélögum sínum hjá Lyon, þeim Camille Abily og Dzsenifer Marozsan.Getty/David Ramos
Fótbolti

Mest lesið


Fleiri fréttir

Sjá meira


×

Mest lesið