Erlent

6000 ásakanir um kynferðisbrot í ferðum Uber

Gunnar Reynir Valþórsson skrifar
Fyrirtækið ákvað að birta tölurnar með það að markmiði bæta öryggi viðskiptavina og allra leigubílafyrirtækja í landinu.
Fyrirtækið ákvað að birta tölurnar með það að markmiði bæta öryggi viðskiptavina og allra leigubílafyrirtækja í landinu. vísir/getty

Leigubílaþjónustan Uber segir að 6000 ásakanir um kynferðisbrot í ferðum á vegum fyrirtækisins hafi verið skráðar á árunum 2017 og 2018 í Bandaríkjunum.

Slíkum málum fjölgaði á síðasta ári en þó var tíðni þeirra sextán prósentum lægri, í ljósi þess að ferðum fyrirtækisins fjölgaði mikið á árinu.

Fyrirtækið ákvað að birta tölurnar með það að markmiði bæta öryggi viðskiptavina og allra leigubílafyrirtækja í landinu.

Uber hefur orðið fyrir vaxandi gagnrýni um allan heim og á dögunum missti fyrirtækið starfsleyfi sitt í London.

Þrátt fyrir þessi sexþúsund mál sem skráð hafa verið lauk Uber ferðum í Bandaríkjunum þó áfallalaust í 99.9 prósent tilvika og þá er því einnig haldið fram að bílstjórar Uber hafi aðeins verið gerendur í helmingi málanna, í hinum tilvikum hafi verið um farþega að ræða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.