Sjáðu þegar Vilborg Arna dansaði með rifinn magavöðva
Vilborg Arna Gissuradóttir og Javi Fernández Valiño dönsuðu Jive við lagið Mamma Mia í Allir geta dansað á Stöð 2 á föstudagskvöldið. Þau fengu 13 stig samanlagt frá dómurunum í fyrsta þættinum en í þættinum á föstudaginn fengu þau aftur 13 stig.
Vilborg dansaði með rifinn magavöðva á föstudaginn en hún slasaðist á síðustu æfingunni fyrir annan þáttinn. Á fimmtudaginn byrjaði Vilborg að finna til eftir að hafa verið að æfa með dansherra sínum, Javi Fernández Valiño. Hún lét verkinn ekki stoppa sig og steig á svið daginn eftir í beinni útsendingu.
Þetta höfðu dómararnir að segja eftir atriði þeirra:
„Ótrúlega kraftmikið og skemmtilegt. Vilborg þú naust þín meira en í síðustu viku. Skemmtileg grunnspor í byrjun. Komu smá hnökrar í samspilið,“ sagði Selma Björns.
„Misstuð aðeins dampinn í lokin. Annars vel gert,“ sagði Karen Reeve.
„Líflegt og skemmtilegt. Þunginn fluttist aftar þegar leið á atriðið. Þetta er mikið samspil. Takk fyrir,“ sagði Jóhann Arnar.
Hér að neðan má sjá atriðið.
Tengdar fréttir
Sjáðu dansatriði Haffa Haff og Sophie úr síðasta þætti
Haffi Haff og Sophie Louise Webb dönsuðu Cha Cha Cha við lagið Voulez vous í beinni útsendingu á Stöð 2 í skemmtiþættinum Allir geta dansað á föstudagskvöldið.
Vilborg Arna reif magavöðva á dansæfingu
Vilborg Arna Gissurardóttir meiddist á æfingu fyrir þættina Allir geta dansað.
Óli og Marta fyrst heim í Allir geta dansað
Óli og Marta eru fyrsta parið sem sent er heim í annarri þáttaröð af Allir geta dansað
