Sjáðu dansatriði Haffa Haff og Sophie úr síðasta þætti

Haffi Haff og Sophie Louise Webb dönsuðu Cha Cha Cha við lagið Voulez vous í beinni útsendingu á Stöð 2 í skemmtiþættinum Allir geta dansað á föstudagskvöldið.

Í fyrsta þættinum fengu þau samanlagt 20 stig frá dómnefndinni en á föstudaginn fengu þau 15 stig, fimm frá hverjum dómara.

Þetta höfðu dómararnir að segja um atriðið:

„Vá þetta var mikið show og Haffi þú ert náttúrutalent þegar kemur að dansi. Ótrúlega falleg rútína. Þú varst alls ekki eins og soðið spagettí heldur meira eins og hrátt. Glæsilegt,“ sagði Selma Björnsdóttir.

„Þetta var rosalega flott sem disco chacha. Fullt af gleði og rosalegt show,“ sagði Jóhann Gunnar Arnarssson.

Hér að neðan má sjá atriði þeirra frá því á föstudaginn.