Enski boltinn

Samherja Gylfa refsað fyrir óstundvísi

Ingvi Þór Sæmundsson skrifar
Kean er ekki sá stundvísasti.
Kean er ekki sá stundvísasti. vísir/getty
Moise Kean var ekki í leikmannahópi Everton gegn Southampton í ensku úrvalsdeildinni á laugardaginn vegna brots á reglum félagsins. Everton vann leikinn, 1-2.

Kean mætti of seint á liðsfund í aðdraganda leiksins gegn Southampton. Hann var því ekki í 18 manna leikmannahópi Everton á laugardaginn þótt hann hafi ferðast með liðinu til Southampton.

Þetta ku ekki vera í fyrsta sinn sem Marco Silva, knattspyrnustjóri Everton, er ósáttur vegna óstundvísi Keans.

Everton keypti Kean frá Ítalíumeisturum Juventus á 27 milljónir punda í sumar.

Kean hefur ekki náð að skora fyrir Everton á tímabilinu og hefur aðeins verið í byrjunarliðinu í tveimur leikjum í ensku úrvalsdeildinni.


Tengdar fréttir




Fleiri fréttir

Sjá meira


×