Landsmenn geta skoðað sektirnar sínar á netinu
Lögreglan hefur tekið í notkun nýja tækni og hér eftir verður hægt að nálgast upplýsingar um sektir í pósthólfi á island.is sem er upplýsinga- og þjónustuveita opinberra aðila á Íslandi. Þetta kemur fram í tilkynningu frá lögreglunni.
Þar segir að ef fólk fær sekt fær það tilkynningu í tölvupósti og getur síðan farið á vefsíðuna island.is og séð þar sektarboðið.
„Það er aldrei gleðiefni að fá sekt fyrir umferðarlagabrot, en þó skiptir máli að geta nálgast allar upplýsingar um málið með eins auðveldum hætti og unnt er,“ segir í tilkynningu lögreglu.
Vonandi þurfi samt sem fæstir að nýta sér þessa auknu þjónustu.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
